"Teniz Capital Investment Banking" АҚ Шоқан Уәлиханов атындағы жекеменшік мектеп ЖШС-нің қамтамасыз етілмеген купондық облигацияларын "Қазақстан қор биржасының" (KASE) алаңында орналастырды. Тартылған қаражаттың жалпы сомасы 518 млн теңгені құрады.
Облигациялар 21% жылдық мөлшерлеме бойынша купонды тоқсан сайын төлеу арқылы 3 жыл мерзімге шығарылды.
Тартылған қаражат мектептің операциялық қызметін қаржыландыруға, сондай-ақ жаңа білім беру жобаларын дамытуға бағытталған. Бұл білім беру үдерісінің сапасын арттыруға және заманауи оқу құралдарына қолжетімділікті кеңейтуге мүмкіндік береді.
«Teniz Capital Investment Banking» АҚ әлеуметтік маңызды инвестициялық, соның ішінде білім беру саласындағы бастамалардың іске асырылуын жалғастырады. Жекеменшік және мемлекеттік білім беру мекемелерін қолдау және қаржыландыру компанияның Қазақстанда білім беру инфрақұрылымын күшейту бойынша негізгі стратегия элементі болып табылады.