«Teniz Capital Investment Banking» АҚ – сапалы қызмет көрсететін сенімді және кәсіби серіктес ретінде өзін танытқан инвестициялық компания. Компания бағалы қағаздар нарығында қызметтердің кең спектрін ұсынады: брокерлік қызметтер, сенімгерлік басқару, консалтинг, андеррайтинг, валюталық және басқа да қаржылық операциялар.

Біз институционалдық клиенттермен де (активтерді басқарушылармен, хедж-қорлармен, банктермен, брокерлік және сақтандыру компанияларымен, қайырымдылық ұйымдармен және корпорациялармен) және жеке тұлғалармен жұмыс істейміз. Teniz Capital Investment Banking Қазақстан қор биржасының (KASE) және Астана халықаралық биржасының (AIX) мүшесі болып табылады, барлық жаһандық сауда алаңдарына қол жеткізе алады және биржалық қызмет рейтингінде жетекші орынға ие.

Компания 1997 жылы қаржы нарығында қызметтердің кең спектрін ұсыну мақсатында құрылған. Ребрендингтен кейін «RG Securities» ЖШС «RESMI» ХҚҚ атауын ала бастады, содан кейін «YURTA» ХҚҚ атауын өзгертті. 2023 жылдың сәуірінде «ЮРТА» ХҚҚ атауы «Teniz Capital Investment Banking» АҚ болып өзгертілді.