2024 жылғы 29 мамырда өткізілген «Teniz Capital Investment Banking» АҚ акционерлері жылдық жалпы жиналысының қорытындысы бойынша Куантыров Алибек Сакенович Директорлар кеңесінің мүшесі және тәуелсіз директор болып тағайындалды.
Куантыров Бас директор ретінде «KAZENERGY» қауымдастығын басқарады. Осыдан бұрын ол 2022-2024 жылдары ҚР Ұлттық экономика министрінің лауазымын атқарған болатын.
Алибек Куантыров Атырау қаласында дүниеге келген, Томск мемлекеттік университетін, «Болашақ» стипендиясы бойынша Мичиган университетін бітірген, қолданбалы экономика магистрі. Президенттік жастар кадр резервінің мүшесі болып табылады.
«Teniz Capital Investment Banking» АҚ-ның Директорлар кеңесі, 2025 жылғы 01 маусымға дейін өкілеттік мерзімімен төмендегі құрамда айқындалды:
– Хусаинов Галим Абильжанович – Директорлар кеңесінің төрағасы;
– Занкин Максим Юрьевич – Директорлар кеңесінің мүшесі;
– Куантыров Алибек Сакенович – Директорлар кеңесінің мүшесі, тәуелсіз директор.